Պորտուգալացի մարզիչ Ժոզե Մոուրինյոն պատմել է, որ մի անգամ «Չելսիի» հանդերձարանում քիչ էր մնում կոտրեր ոտքը։
Պորտուգալացուն խնդրել են նշել իր սիրելի պահը հանդերձարանում, և նա պատմել է հետևյալը։
«Հանդերձարանում իմ սիրելի պահերից մեկն այն էր, երբ ընդմիջմանը քիչ էր մնում կոտրեի ոտքս «Սթեմֆորդ Բրիջում»: Ես ուզում էի հարվածել մերսման սեղանին և շատ ուժեղ հարվածել ինչ-որ բանի։ Ես ոտքի պաշտպաններ չունեի և քիչ էր մնում կոտրեի ոտքս»,- ասել է Մոուրինյոն TNT Sports-ին տված հարցազրույցում:
Մոուրինյոն «Չելսին» մարզել է 2004-ից 2007 թվականներին և 2013-ից 2015 թվականներին՝ թիմի հետ նվաճելով Պրեմիեր Լիգայի 3 տիտղոս։