«Բավարիայի» նախկին մարզիչ Թոմաս Տուխելը չի գլխավորի «Մանչեսթեր Յունայթեդը», հայտնում է ինսայդեր Ֆաբրիցիո Ռոմանոն։
Ըստ աղբյուրի՝ 50-ամյա մասնագետը հրաժարվել է շարունակել բանակցությունները «Մանչեսթեր Յունայթեդի» հետ։ Ավելի վաղ հաղորդվում էր, որ նա հանդիպել է ակումբի համասեփականատեր Ջիմ Ռատքլիֆի հետ։
Նշվում է, որ Տուխելը որոշել է այս ամառ դադար վերցնել որևէ ակումբ մարզելուց։
Այս ամառ Տուխելը հեռացավ «Բավարիայից»։ Նրա գլխավորությամբ մյունխենցիները 12 տարվա մեջ առաջին անգամ մեկ մրցաշրջանում ոչ մի տիտղոս չեն նվաճել։ Թիմը Բունդեսլիգայում զբաղեցրել է երրորդ տեղը։
