«Բարսելոնան» ցանկանում է ձեռք բերել Բեռնարդու Սիլվային ամռանը։
«Մանչեսթեր Սիթիի» կիսապաշտպանը կատալոնական ակումբի տրանսֆերային թիրախն է ամառային տրանսֆերային պատուհանի ժամանակ, հաղորդում է Sky Sport-ի լրագրող Ֆլորիան Պլետենբերգը։
Տրանսֆերն իրականացնելու հնարավորություն կա, բայց դրա համար «շատ բան պետք է տեղի ունենա»: Նշվում է, որ «բլաուգրանայի» նոր գլխավոր մարզիչ Հանս-Դիտեր Ֆլիկը շատ բարձր կարծիք ունի պորտուգալացու մասին։
Սիլվայի պայմանագիրը «Սիթիի» հետ ուժի մեջ է մինչև 2026 թվականը։
Ակումբների միջև բանակցություններ են ընթանում նաև Ժոաու Կանսելուի վարձակալության ժամկետը երկարաձգելու շուրջ: Միևնույն ժամանակ, ակումբը դեռ վերջնական որոշում չի կայացրել Ժոաու Ֆելիշի ապագայի վերաբերյալ, ով «Ատլետիկոյից» վարձավճարով է տեղափոխվել:
