Միլանի «Ինտերի» մամուլի ծառայությունն իր պաշտոնական կայքում հայտնել է Ջուզեպե Մարոտտայի՝ ակումբի նախագահի պաշտոնում նշանակվելու մասին։ Նախկինում մասնագետը զբաղեցրել է միլանյան թիմի գլխավոր տնօրենի պաշտոնը։
«Ցանկանում եմ շնորհակալություն հայտնել Oaktree-ին վստահության համար՝ ինձ հնարավորություն տալով աշխատել իրենց և տնօրենների խորհրդի կողքին: Այս նշանակումը հավաստումն է բազմաթիվ մարդկանց ֆանտաստիկ աշխատանքի, ովքեր գլխավորել են ակումբը վերջին երեք տարիների ընթացքում: Ես հպարտ եմ, որ «Ինտերի» մի մասն եմ և հավատարիմ եմ մնում ակումբին»,- ասել է Մարոտտան նշանակումից հետո:
Միլանյան ակումբը 2023/2024 մրցաշրջանում ժամանակից շուտ հաղթել է Ա Սերիայում՝ առաջնության ավարտից հինգ տուր առաջ։ Սիմոնե Ինձագիի թիմն ընդհանուր առմամբ վաստակել է 94 միավոր։ Նշենք, որ «Ինտերը» 20-րդ անգամ դարձել է Իտալիայի չեմպիոն և տիտղոսների քանակով (19 հաղթանակ) առաջ է անցել «Միլանից»։ Ռեկորդակիրը «Յուվենտուսն» է, որը չեմպիոն է դարձել 36 անգամ։
