«Արսենալի» կիսապաշտպան Կայ Հավերցը խոսել է իր տեղափոխության մասին։ Հիշեցնենք, որ գերմանացի ֆուտբոլիստի տրանսֆերը տեղի է ունեցել 2023 թվականի հուլիսին։
««Չելսիից» «Արսենալ» տեղափոխությունն արժեր։ «Չելսիի» երկրպագուները զայրացած էին, որ ես հեռացա, «Արսենալի» երկրպագուները նույնպես գոհ չէին, քանի որ սկզբում ամեն ինչ այնքան էլ լավ չէր ընթանում։ Դա քեզ ուժ է տալիս, երբ քեզ աջակցում են մարզիչդ, թիմակիցները և մերձավոր մարդիկ», – ֆուտբոլիստի խոսքերը մեջբերում է Ֆաբրիցիո Ռոմանոն՝ X սոցիալական ցանցում։
Հիշեցնենք, որ այս մրցաշրջանում 24-ամյա Հավերցը բոլոր մրցաշարերում մասնակցել է 51 հանդիպման, որոնցում դարձել է 14 գոլի և 7 գոլային փոխանցման հեղինակ։
