Ֆրանսիայի հավաքականի հարձակվող Կիլիան Մբապպեն մեկնաբանել է իր տեղափոխությունը Մադրիդի «Ռեալ»։
Երկուշաբթի իսպանական ակումբը հայտարարեց, որ Մբապպեն հինգ տարվա պայմանագիր է կնքել։
«Երազանքները իրականանում են։ Ես շատ ուրախ և հպարտ եմ, որ դարձել եմ իմ երազանքի ակումբի՝ Մադրիդի «Ռեալի» մի մասը։ Չեմ կարող բացատրել, թե որքան ուրախ և հուզված եմ ես հիմա: Չեմ համբերում տեսնելու ձեզ Մադրիդիստներ և շնորհակալություն եմ հայտնում ձեր անհավանական աջակցության համար» – գրել է Մբապպեն սոցցանցերում, որտեղ կցել է նաև «Ռեալի» համազգեստով իր երիտասարդության լուսանկարները։
