Իտալացի մասնագետ Էնցո Մարեսկան գլխավորեց «Չելսին», հաղորդում է լոնդոնցիների մամուլի ծառայությունը։
44-ամյա մասնագետի հետ պայմանագիրը նախատեսված է մինչև 2029 թվականի ամառ՝ ևս մեկ մրցաշրջանով երկարաձգելու հնարավորությամբ։
Մարեսկան ավելի վաղ գլխավորել է «Լեսթերը»: Անցած մրցաշրջանում նրա գլխավորությամբ «աղվեսները» առաջնությունում գրավեցին առաջին տեղը և դուրս եկան Պրեմիեր Լիգա։ Նախկինում Մարեսկան Պեպ Գվարդիոլայի մարզչական շտաբում էր «Մանչեսթեր Սիթիում»։
2023/24 մրցաշրջանում «Չելսին» մարզել է Մաուրիսիո Պոչետինոն։ Լոնդոնցիները Պրեմիեր Լիգայի մրցաշարային աղյուսակում զբաղեցրել են վեցերորդ տեղը։
