Մադրիդի «Ռեալն» այսօր կհայտարարի ՊՍԺ-ի հարձակվող Կիլիան Մբապեի տեղափոխության մասին։ Այս մասին հայտնում է ֆրանսիական L’Equipe առցանց հրատարակությունը։
Հիշեցնենք, որ ավելի վաղ տեղեկություն էր տարածվել, որ Մբապեն արդեն դարձել է «Ռեալի» խաղացող։ Նշվում էր, որ կողմերը պայմանավորվել են բոլոր պայմանների շուրջ և պայմանագիր ստորագրել։ Ինքը՝ ֆուտբոլիստը, ավելի վաղ հայտարարել էր ՊՍԺ-ից հեռանալու մասին։
Նախորդ մրցաշրջանում Կիլիան Մբապեն անցկացրել է 48 հանդիպում, դարձել 44 գոլի և 10 գոլային փոխանցման հեղինակ։ Հեղինակավոր Transfermarkt ինտերնետային պորտալը ֆրանսիացի հարձակվողի շուկայական արժեքը գնահատում է 180 միլիոն եվրո:
Մադրիդի «Ռեալը» հաղթել է Իսպանիայի առաջնությունում, ինչպես նաև Չեմպիոնների լիգայում՝ եվրագավաթային ամենահեղինակավոր մրցաշարի եզրափակչում հաղթելով Դորտմունդի «Բորուսիային»։
