Մադրիդի «Ռեալի» նախագահ Ֆլորենտինո Պերեսը մեկնաբանել է Չեմպիոնների լիգայի 2023/24 մրցաշրջանի եզրափակիչում Դորտմունդի «Բորուսիայի» նկատմամբ տարած հաղթանակը (2:0)։
«Ի՞նչ եմ մտածում այս Չեմպիոնների լիգայի մասին: Կարծում եմ, որ մենք արդեն պետք է կենտրոնանանք հաջորդ մրցաշարի վրա։ Մենք ցանկանում ենք նվաճել 16-րդ գավաթը»,- Պերեսի խոսքն է մեջբերել լրագրող Ֆաբրիցիո Ռոմանոն։
Մադրիդի «Ռեալը» 15-րդ անգամ նվաճեց Չեմպիոնների լիգայի գավաթը, ինչը ռեկորդային ցուցանիշ է: Գավաթների թվով երկրորդ տեղը զբաղեցնում է «Միլանը» (7 հաղթանակ), երրորդ տեղը կիսում են «Բավարիան» և «Լիվերպուլը» (6-ական):
