«Մանչեսթեր Յունայթեդի» հարձակվող Մեյսոն Գրինվուդը, ով այս մրցաշրջանում վարձավճարով հանդես է գալիս «Խետաֆեի» կազմում, կարող է դառնալ «Յուվենտուսի» խաղացող, հայտնում է La Gazzetta dello Sport առցանց հրատարակությունը։
Աղբյուրի համաձայն՝ 22-ամյա անգլիացին առաջիկա ամառ «ծեր սինյորան» հարձակումն ուժեղացնելու հիմնական տարբերակներից մեկն է։
Ավելի վաղ հաղորդվում էր, որ հաջող մրցաշրջանից հետո ֆուտբոլիստով հետաքրքրված են նաև այլ թոփ-ակումբներ, այդ թվում՝ Մադրիդի «Ատլետիկոն» և Դորտմունդի «Բորուսիան»:
Այս մրցաշրջանում Գրինվուդը բոլոր մրցաշարերում մասնակցել է 36 հանդիպման, որոնցում դարձել է 10 գոլի և 6 գոլային փոխանցման հեղինակ։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 15 միլիոն եվրո:
