«Արսենալի» և «Բարսելոնայի» նախկին ֆուտբոլիստ Թիերի Անրին խոսել է Չեմպիոնների լիգայում Մադրիդի «Ռեալի» տարած հաղթանակի մասին։

«Ռեալը» հաղթեց Լա Լիգան և Չեմպիոնների լիգան առանց Մբապպեի և Էնդրիկի: Նրանց պետք չեն, դա շքեղություն է։ Ահա թե ինչ է «Ռեալը», – ասել է Անրին CBS Sports-ի եթերում:

Ավելի վաղ լրագրող Ֆաբրիցիո Ռոմանոն X սոցցանցում (նախկինում՝ Twitter) գրել էր, որ Ֆրանսիայի հավաքականի հարձակվող Կիլիան Մբապեն ՊՍԺ-ից ազատ գործակալի կարգավիճակով արդեն միացել է Los Blancos-ին։

Հիշեցնենք, որ մադրիդցիների կազմում գոլերի հեղինակ են դարձել Դանիել Կարվախալն ու Վինիսիուս Ժունիորը։ Այսպիսով, մադրիդյան ակումբը 2023/2024 մրցաշրջանի Չեմպիոնների լիգայի հաղթող է դարձել։ Թիմը կխաղա ՈՒԵՖԱ-ի Սուպերգավաթի խաղարկությունում, որտեղ կհանդիպի «Ատալանտային», որը 2023/2024 մրցաշրջանում հաղթել է Եվրոպայի լիգայի գավաթը։