«Ռոմայի» հարձակվող Պաուլո Դիբալան ամառային տրանսֆերային պատուհանի ընթացքում կարող է փոխել ակումբային գրանցումը։
Ինչպես տեղեկացնում է Todofichajes-ը, աշխարհի չեմպիոնի ծառայություններով շարունակում է հետաքրքրվել Մադրիդի «Ատլետիկոն»։ Բացի «Ատլետիկոյից» առաջարկից, ֆուտբոլիստը պատրաստ է դիտարկել Իտալիայի և Անգլիայի տարբերակները։
Այլ առաջնությունների ակումբները կարող են Դիբալայի տրանսֆերը գնել ընդամենը 12 մլն եվրոյով։ Այս մակարդակի ֆուտբոլիստի համար սա շատ ցածր գին է։
Իտալիայի առաջնության անցած մրցաշրջանում 30-ամյա հարձակվողը անցկացրել է 28 հանդիպում՝ դառնալով 13 գոլի և 9 գոլային փոխանցման հեղինակ։
