Դորտմունդի «Բորուսիան» չի կարողանա գնել «Մանչեսթեր Յունայթեդից» վարձավճարով հանդես եկող Ջեյդոն Սանչոյին, հայտնում է Sky Sports-ը։

Ըստ աղբյուրի՝ գերմանական ակումբը պատրաստ չէ իրեն թույլ տալ 24-ամյա անգլիացու լիարժեք տրանսֆերը։ Միևնույն ժամանակ, հնարավոր է, որ դորտմունդցիները կարողանան երկարաձգել ֆուտբոլիստի վարձավճարը մինչև 2024/25 մրցաշրջանի ավարտը։

Սանչոն Դորտմունդի «Բորուսիայում» հանդես է եկել 2017 թվականի օգոստոսից մինչև 2021 թվականի հուլիսը, որից հետո տեղափոխվել է «Մանչեսթեր Յունայթեդ»։

2024 թվականի հունվարին գերմանական ակումբը վարձակալեց կիսապաշտպանին մինչև 2023/24 մրցաշրջանի ավարտը։ Ֆուտբոլիստը թիմի կազմում բոլոր մրցաշարերում անցկացրել է 20 հանդիպում, դարձել 3 գոլի և 3 գոլային փոխանցման հեղինակ։

Transfermarkt պորտալը ֆուտբոլիստի արժեքը գնահատում է 30 միլիոն եվրո: