Սաուդյան Արաբիայից անանուն ակումբը պատրաստ է 100 միլիոն եվրոյով գնել «Բարսելոնայի» հարձակվող Ռաֆինյային, հայտնում է Mundo Deportivo-ն։

Աղբյուրի համաձայն՝ անձամբ՝ ֆուտբոլիստը, ամենայն հավանականությամբ չի համաձայնի առաջարկին, քանի որ իրեն երջանիկ է զգում Կատալոնիայում և չի մտածում ակումբը փոխելու մասին։

Ռաֆինյան «Բարսելոնայում» հանդես է գալիս 2022 թվականի հուլիսից։ 2023/24 մրցաշրջանում հարձակվողը բոլոր մրցաշարերում թիմի կազմում անցկացրած 37 խաղում դարձել է 10 գոլի և 13 գոլային փոխանցման հեղինակ։

Transfermarkt պորտալը 27-ամյա բրազիլացու արժեքը գնահատում է 50 միլիոն եվրո։