«Չելսին» նախատեսում է այսօր՝ մայիսի 31-ին, հայտարարել Էնցո Մարեսկայի գլխավոր մարզչի պաշտոնում նշանակվելու մասին, հաղորդում է The Telegraph-ը։
Կողմերը պայմանագրի բոլոր մանրամասները համաձայնեցրել են այս շաբաթվա սկզբին։ 44-ամյա մասնագետի հետ պայմանագիրը նախատեսված կլինի մինչև 2029 թվականը։
«Չելսին» «Լեսթերին» փոխհատուցում կվճարի իտալացու հետ պայմանագրի վաղաժամ խզման համար։
Մայիսի 21-ին «Չելսին» հայտարարեց թիմի գլխավոր մարզչի պաշտոնից Մաուրիսիո Պոչետինոյի հրաժարականի մասին։ 2023/24 մրցաշրջանում լոնդոնցիները Պրեմիեր Լիգայի մրցաշարային աղյուսակում զբաղեցրել են 6-րդ տեղը։
