Գերմանացի մասնագետ Հանս-Դիտեր Ֆլիկը կարող է գլխավորել «Բարսելոնան», հայտնում է Mundo Deportivo-ն։
Աղբյուրի տեղեկություններով՝ 59-ամյա գերմանացին հրաժարվել է գլխավորել «Չելսին», որպեսզի աշխատի կատալոնական ակումբում։
Ֆլիկը բանակցություններ է վարել «Բարսայի» մարզական տնօրեն Դեկուի հետ։ Նշվում է, որ զրույցը լավ է անցել։
Ֆլիկի վերջին աշխատանքը եղել է Գերմանիայի հավաքականում, որը նա լքել է 2023 թվականին։ Մինչ այդ նա մարզել է «Բավարիան», որի հետ երկու անգամ դարձել է Գերմանիայի չեմպիոն և հաղթել Չեմպիոնների Լիգայում (2019/20 մրցաշրջանում)։
