Ամերիկյան Oaktree Capital Management ընկերությունը մայիսի 22-ի դրությամբ դարձել է Միլանի «Ինտերի» սեփականատերը, ասվում է ընկերության հայտարարության մեջ, որը հրապարակել է լրագրող Ֆաբրիցիո Ռոմանոն։
Դա պայմանավորված էր իտալական ակումբի կողմից 2021 թվականի մայիսին Oaktree-ից ստացված 395 միլիոն եվրոյի վարկը չմարելու պատճառով:
«Որպես նոր սեփականատեր՝ մենք գիտակցում ենք մեր հսկայական պատասխանատվությունը համայնքի և «Ինտերի» պատմական ժառանգության հանդեպ: Մենք հավատարիմ ենք «ներաձուրիի» երկարաժամկետ հաջողություններին և հավատում ենք, որ ակումբի նկատմամբ մեր հավակնությունները համապատասխանում են նրա կրքոտ երկրպագուներին Իտալիայում և ամբողջ աշխարհում:
Մեր նախնական նպատակը ակումբի գործառնական և ֆինանսական կայունությունն է: Մենք մեծ հարգանքով ենք վերաբերվում «Ինտերի» ղեկավարությանը և ակնկալում ենք սերտ համագործակցություն նրանց հետ՝ ակումբի համար ուժեղ կառավարում ապահովելու համար:
Երկրորդ աստղը ստանալը որոշիչ պահ էր ակումբի համար: Մեր նպատակն է շարունակել ոլորտում ձեռք բերված արդյունքները երկարաժամկետ աճի և հաջողության ուղղությամբ», – ասաց Oaktree-ի գործադիր տնօրեն Ալեխանդրո Կանոն:
