«Մանչեսթեր Սիթիի» դարպասապահ Էդերսոնը աչքի վնասվածքի պատճառով բաց կթողնի Կոպա Ամերիկան։
Դարպասապահը ուղեծրի կոտրվածք է ստացել «Մանչեսթեր Սիթիի»՝ «Թոթենհեմի» դեմ խաղում (2:0)՝ Քրիստիան Ռոմերոյի հետ բախումից հետո:
Բրազիլիայի հավաքականի գլխավոր մարզիչ Դորիվալ Ժունիորը Էդերսոնին դուրս է թողել թիմի առաջիկա մրցաշարի հայտացուցակից՝ նրան փոխարինելով «Սան Պաուլուի» 34-ամյա դարպասապահ Ռաֆայելով։
2024 թվականի Ամերիկայի գավաթի խաղարկությունը տեղի կունենա 2024 թվականի հունիսի 20-ից հուլիսի 14-ը ԱՄՆ-ում։
