«Յուվենտուսը» պաշտոնանկ է արել թիմի գլխավոր մարզիչ Մասիմիլիանո Ալեգրիին՝ որպես պատճառ նշելով նրա ոչ պատշաճ պահվածքը Իտալիայի գավաթի եզրափակչում, որպեսզի նրան 9 միլիոն եվրո տուգանք չվճարեն, հայտնում է Football Italia-ն։
Աղբյուրի համաձայն՝ Ալեգրիի ոչ պատշաճ պահվածքի պատճառով հեռացվելը թուրինյան ակումբին իրավաբանորեն թույլ է տալիս նրան չվճարել ամբողջ հաջորդ տարվա աշխատավարձը։ Հիշեցնենք, որ իտալացի մասնագետի պայմանագիրը հաշվարկված էր մինչև 2025 թվականի ամառ։
Իտալիայի գավաթի խաղարկության եզրափակիչ խաղի «Ատալանտայի» հետ (0:1) 90+3-րդ րոպեին Ալլեգրին չափազանց դժգոհ էր այն փաստից, որ հանդիպման մրցավար Ֆաբիո Մարեսկան անմիջապես խախտում չարձանագրեց «Յուվենտուսի» պաշտպան Բրեմերի նկատմամբ։ Դրանից հետո իտալացի մասնագետը պոկել է բաճկոնը, վազել է պահեստային մրցավարի մոտ և սկսել բղավել նրա դեմքին, ինչի համար ստացել է կարմիր քարտ։
Հաղորդվում էր նաև, որ խաղից հետո Ալեգրին սպառնացել է Tuttosport-ը ներկայացնող իտալացի լրագրող Գվիդո Վաչագոյին։ Նա սպառնացել է սպանել նրան, եթե հրապարակումը «ճշմարտությունը չգրի»։
