Կենտրոնական կիսապաշտպան Տիագո Ալկանտարան մրցաշրջանի ավարտից հետո կլքի «Լիվերպուլը» պայմանագրի ժամկետի ավարտի պատճառով, հայտնում է ակումբի կայքը։

33-ամյա խաղացողը «Լիվերպուլում» է հանդես գալիս 2020 թվականի սեպտեմբերից՝ Մյունխենի «Բավարիայից» տեղափոխվելուց հետո: Մերսիսայդցիների կազմում նա անցկացրել է 98 հանդիպում, դարձել 3 գոլի և 6 գոլային փոխանցման հեղինակ։

Տիագո Ալկանտարան վնասվածքների պատճառով բաց թողեց գրեթե ողջ ընթացիկ մրցաշրջանը։

Ավելի վաղ ուրբաթ օրը «Լիվերպուլը» հայտարարեց պաշտպան Ժոել Մատիպի հեռանալու մասին։