«Բարսելոնայի» գլխավոր մարզիչ Չավին բացատրել է, թե խաղի ինչ ասպեկտներում պետք է բարելավվի 16-ամյա վինգեր Լամին Յամալը։
«Յամալն ընտրյալ է։ Նա տակտիկապես դեռ կատարյալ չէ, բայց դա նորմալ է, քանի որ նա ընդամենը 16 տարեկան է: Նա մեկ տարում անհավանական առաջընթաց է գրանցել»,- Չավիի խոսքերն է մեջբերում Barca Universal-ը սոցցանցերում:
Այս մրցաշրջանում Յամալը բոլոր մրցաշարերում մասնակցել է 44 հանդիպման, որոնցում դարձել է 6 գոլի և 8 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 75 միլիոն եվրո։
