«Բարսելոնայի» գլխավոր մարզիչ Չավիին հարցրել են եզրային հարձակվող Անսու Ֆատիի ապագայի մասին։
«Այլևս ինձ մի հարցրեք այն խաղացողների պլանների մասին, որոնք այստեղ չեն: Ամեն ինչ կախված կլինի մրցաշրջանի ավարտից և այն իրավիճակից, որում մենք կհայտնվենք»,- Չավիի խոսքը մեջբերել է լրագրող Ֆաբրիցիո Ռոմանոն։
21-ամյա Անսու Ֆատին 2023/24 մրցաշրջանն անցկացնում է «Բրայթոնում» ժամանակավոր հիմունքներով։
Անգլիական ակումբի կազմում Ֆատին անցկացրել է 25 պաշտոնական հանդիպում, որոնցում խփել է չորս գոլ և մեկ գոլային փոխանցում կատարել։
