«Բարսելոնան» դադարեցրել է նոր գլխավոր մարզչի որոնումները։
Ինչպես հայտնում է Diario Sport-ը, կատալոնացի մարզական տնօրեն Դեկուն կապվել է Ռոբերտո դե Զերբիի հետ , սակայն որոշվել է հրաժարվել նրա թեկնածությունից՝ «Բրայթոնի» հետ գործող պայմանագրի և բարձր փոխհատուցման պատճառով։ Նաև «Բարսելոնայում» գերմանացի մասնագետ հրավիրելու գաղափարը կորցնում է դիրքերը. միակ հասանելի թեկնածուն այս պահին մնում է Հանս-Դիտեր Ֆլիկը : Ակումբը մտավախություն ունի նաեւ , որ հրավիրված մասնագետը չի կարողանա հարմարվել թիմին ու Լա Լիգային :
Հաղորդվում է, որ այս պահին ակումբը չի բացառում, որ Չավին կփոխի «Բարսելոնան» մրցաշրջանի ավարտից հետո հեռանալու որոշումը. ակումբի նախագահ Ժոան Լապորտան ուրախությամբ կաջակցի Չավիին, եթե նա փոխի իր միտքը ակումբից հեռանալու մասին, սակայն մարզիչը պետք է հրապարակայնորեն հրապարակի այս որոշումը։ Ենթադրվում է, որ ՊՍԺ-ի և Մադրիդի «Ռեալի» դեմ առաջիկա հանդիպումները առանցքային ազդեցություն կունենան Չավիի ապագայի վրա:
«Բարսելոնայի» առաջին տարբերակը, եթե Չավին շարունակի պնդել հեռանալու մասին, «Բարսելոնա Բ»-ի մարզիչ Ռաֆայել Մարկեսն է:
