«Արսենալի» ավագ Մարտին Էդեգորը կիսվել է իր մտքերով «Բավարիայի» հետ առաջիկա հանդիպման մասին, որի կազմում հանդես է գալիս Հարի Քեյնը։
Անգլիացի հարձակվողն ընթացիկ մրցաշրջանում անցկացրած 37 խաղում դարձել է 38 գոլի և 12 գոլային փոխանցման հեղինակ։ Երեքշաբթի օրը «Թոթենհեմի» նախկին աստղը Լոնդոնում Չեմպիոնների Լիգայի քառորդ եզրափակիչի առաջին խաղում կփորձի տխրեցնել «Արսենալին»:
«Իհարկե, Քեյնը լավ ֆուտբոլիստ է: Ես մի քանի անգամ խաղացել եմ նրա դեմ, և մենք գիտենք, թե որքան լավն է նա տուգանայինում և գնդակով:
Կարծում եմ, որ մենք պետք է հարգենք նրան, բայց ոչ մեկից չպետք է վախենանք՝ պետք է կենտրոնանալ մեր և սեփական որակների վրա։
Բունդեսլիգայում «Բավարիայի» արդյունքները տարօրինակ են թվում, բայց երբ նայում ես այս թիմին, կարող ես տեսնել, թե որքան ուժեղ են նրանք: Մեզ ծանր ճակատամարտ է սպասվում, բայց մենք պատրաստ ենք դրան»,- Էդեգորին է մեջբերում Fotmob-ը։
