ՊՍԺ-ի ուլտրասները «Բարսելոնայի» դեմ խաղից մի քանի օր առաջ հայտարարություն են տարածել։
Չեմպիոնների Լիգայի քառորդ եզրափակչում փարիզցիները կհանդիպեն կատալոնացիների հետ։ Առաջին հանդիպումը նախատեսված է ապրիլի 10-ին։
«Չորեքշաբթի օրը մեր թիմը կխաղա «Բարսելոնայի» հետ։ Մեզ համար այս հանդիպումը սկսվեց «Կլերմոնի» դեմ խաղում եզրափակիչ սուլիչով։
Մեր դերը լինելու է առանցքային, և մենք խնդրում ենք բոլորին համախմբվել: Եկեք միասնական լինենք և մղենք մեր թիմին առաջ։ Եկեք շուտ հասնենք մարզադաշտ, հագնենք մեր կարմիր և կապույտ համազգեստները և ստիպենք մեր մրցակիցներին ցնցվել, հենց որ դուրս գան տաքանալու:
Այս ստոր «Բարսելոնան», որին հաճախ են օգնում մրցավարները, պետք է զգա, որ գտնվում է թշնամական տարածքում։
Մեր պարտականությունն է «Պարկ դե Պրենսը» դարձնել ահռելի ամրոց մեր մրցակիցների համար, և մեր թիմի վճռական ոգու հետ միասին՝ անառիկ։ Այս թիմը, որի մարտական մտածելակերպն ու համախմբվածությունը մեզ դուր է գալիս, պետք է իրենց թիկունքում ունենա վճռական մարդկանց մի ամբողջ բազմություն։
Եկեք լուսավորենք լեգենդար «Պարկ դե Պրենսը» և լինենք անողոք: Մեր միակ նպատակը հաղթանակն է, և դրան հասնելու համար մենք պետք է առավելագույնս լավ խաղանք մեր «դիրքում»։ Միասին մենք անպարտելի ենք»,- ասվում է Collectif Ultras Paris-ի հայտարարության մեջ:
