«Մանչեսթեր Սիթիի» հարձակվող Խուլիան Ալվարեսը պատմել է այն մասին, թե ինչ էր իր համար խաղադաշտում տեղը կիսել հարձակվող Էրլինգ Հոլանդի հետ։
«Ես սովոր եմ խաղալ այլ հարձակվողների հետ: Մանկուց ես միշտ հարձակվողի դերը կիսել եմ այլ տղաների հետ։ Մենք ցույց տվեցինք, որ կարող ենք միասին խաղալ և օգնել թիմին։ Մենք փորձում ենք միասին աշխատել, և ես այնպիսի զգացողություն ունեմ, որ դա մեզ հաջողվում է։
Այս մրցաշրջանում ես ավելի շատ եմ խաղում, չնայած առաջին տարում պետք է ավելի համբերատար լինեի։ Խաղացել եմ տարբեր դիրքերում։ Ես ուրախ եմ, որ սկսեցի շատ ավելի շատ խաղալ։
Այստեղ խաղացողները պետք է կարողանան հարմարվել մարզչի ասածին, նույնիսկ եթե դա երբեմն կարող է մի փոքր շփոթեցնող լինել: Բայց պետք է պարզապես հարմարվել»,- Ալվարեսի խոսքերն է մեջբերում The Sun-ը։
Հիշեցնենք, որ այս մրցաշրջանում Ալվարեսը բոլոր մրցաշարերում մասնակցել է 43 հանդիպման, որոնցում դարձել է 16 գոլի և 13 գոլային փոխանցման հեղինակ։
