ՊՍԺ-ի նախկին կիսապաշտպան Խավիեր Պաստորեն ասել է, թե ինչ է մտածում բրազիլացի հարձակվող Նեյմարի մասին։
«Ֆենոմեն, շատ լավ մարդ։ Նա ապրում է այնպես, ինչպես ուզում է, և ոչ ոք իրավունք չունի տնօրինել նրա կյանքը։ Ես երբեք չեմ տեսել Նեյմարի նման տաղանդավոր ֆուտբոլիստի՝ բացառելով Մեսսիին։ Նա ունի բոլոր որակները։ Եթե ցանկանար, նա կպայքարեր «Ոսկե գնդակի» համար Մեսսիի, Կրիշտիանուի և բոլորի հետ, բայց նա այլ կերպ է ապրում, նա 100 տոկոսով չի ապրում ֆուտբոլով։
Ես նրան շատ եմ սիրում, շատ եմ գրել նրան հիմա՝ վնասվածքի ժամանակ։ Սկզբում ես ակնկալում էի նրան տեսնել որպես ամբարտավան մարդ, բայց սխալվեցի»,- ասել է Պաստորեն։
Ներկայումս 32-ամյա հարձակվողը հանդես է գալիս Սաուդյան Արաբիայի «Ալ-Հիլալում»։ 2017-ից 2023 թվականներին նա հանդես է եկել փարիզեցիների կազմում։
