Գերմանիայի հավաքականի գլխավոր մարզիչ Յուլիան Նագելսմանը կարող է գլխավորել Դորտմունդի «Բորուսիան»։ Այս մասին հայտնում է լրագրող Ֆլորիան Պլետենբերգը։
Աղբյուրի համաձայն՝ դորտմունդցիների ներկայիս մարզիչ Էդին Թերզիչի ապագան հարցականի տակ է, իսկ վերջնական որոշում դեռ կայացված չէ։
«Բորուսիան» հավանական թեկնածուների թվում ընդգրկել է Նագելսմանին։
Դորտմունդի գործադիր տնօրեն Հանս-Յոահիմ Վատցկեն Նագելսմանի մեծ երկրպագուն է և կարծում է, որ նա հիանալի է համապատասխանում թիմին։
