Մադրիդի «Ռեալի» հարձակվող Վինիսիուս Ժունիորը պատրաստվում է իր 250-րդ հանդիպումն անցկացնել թիմի կազմում։ 23-ամյա բրազիլացու համար հոբելյանական հանդիպումը կլինի «Վալենսիայի» դեմ առաջիկա հանդիպումը։

Այս պահին «Ռեալի» հարձակման առաջատարը բոլոր մրցաշարերում անցկացրած 249 հանդիպումներում խփել է 71 գոլ և կատարել 71 գոլային փոխանցում։

Վինիսիուս Ժունիորը Մադրիդի «Ռեալի» խաղացող է դարձել 2018 թվականի հուլիսին՝ բրազիլական «Ֆլամենգոյից» տեղափոխվելով 45 միլիոն եվրոյի դիմաց։