«Լայպցիգի» և Գերմանիայի հավաքականի ձախ պաշտպան Դավիդ Ռաումը առաջիկա ամառային տրանսֆերային պատուհանի ժամանակ կարող է փոխել ակումբային գրանցումը։ Այս մասին X սոցիալական ցանցում (նախկինում՝ Twitter) հայտնել է լրագրող Էքրեմ Քոնուրը։

Աղբյուրի համաձայն՝ 25-ամյա ֆուտբոլիստի ծառայություններով հետաքրքրված է «Բարսելոնան»: Կատալոնական ակումբի ներկայացուցիչները կարող են կապ հաստատել «Լայպցիգի» ղեկավարության հետ՝ առաջիկայում պաշտպանական խաղացող գնելու առաջարկով։

Ռաումը «Լայպցիգում» հանդես է գալիս 2022 թվականի ամռանից։ Այս մրցաշրջանում պաշտպանը թիմի կազմում բոլոր մրցաշարերում անցկացրել է 31 հանդիպում, որոնցում դարձել է երեք գոլի և 7 գոլային փոխանցման հեղինակ։ Ֆուտբոլիստի պայմանագիրը գերմանական ակումբի հետ ուժի մեջ է մինչև 2027 թվականի հունիսի վերջը։