Էդին Թերզիչը կարող է հեռացվել Դորտմունդի «Բորուսիայի» գլխավոր մարզչի պաշտոնից, պնդում է Sky Sport-ը։
Ձմռանը «Բորուսիայի» ղեկավարներն արդեն քննարկել են մասնագետի ապագան ակումբում, սակայն թիմի արդյունքները դրանից հետո չեն բարելավվել: Բունդեսլիգայի մրցաշարային աղյուսակում «Բորուսիան» չորրորդ տեղում է՝ 23 տուրից վաստակելով 41 միավոր, իսկ վերջին 14 հանդիպումներում գրանցվել է ընդամենը 4 հաղթանակ։
Եթե Թերզիչին հեռացնեն միջմրցաշրջանում, ապա սպասվում է, որ թիմը կվստահվի նրա օգնականներ Նուրի Շահինին և Սվեն Բենդերին։
