«Արսենալի» պաշտպան Յուրիեն Թիմբերը շուտով կվերսկսի մարզումները թիմի հետ։ «Զինագործների» գլխավոր մարզիչ Միկել Արտետան այս մասին ասել է Now.Arsenal-ին տված հարցազրույցում։
Նրա խոսքով՝ ֆուտբոլիստը հաջորդ շաբաթ կսկսի մարզվել լոնդոնյան ակումբի հիմնական կազմի հետ։
Հիշեցնենք, որ Թիմբերը վնասվածք էր ստացել ԱՊԼ-ի առաջին տուրի «Նոթինգհեմ Ֆորեստի» հետ խաղում։ Դրանից հետո ֆուտբոլիստը բարեհաջող վիրահատվել է ու անհատական ծրագրով ապաքինվել։
Թիմբերը հանդես է գալիս «Արսենալում» 2023 թվականի ամառվանից՝ տեղափոխվելով «Այաքսից»: Տրանսֆերի գումարը կազմել է 40 մլն եվրո։ Նրա պայմանագիրը լոնդոնյան ակումբի հետ նախատեսված է հինգ տարով։
