Մադրիդի «Ռեալի» հարձակվող Վինիսիուս Ժունիորը երկրորդ անգամ անընդմեջ ստացել է Հարավային Ամերիկայի լավագույն խաղացողի EFE մրցանակը։ Անցած մրցաշրջանում բրազիլացին 23 գոլի հեղինակ դարձավ և իր ակումբին օգնեց հաղթելու Գավաթը և Աշխարհի ակումբային առաջնությունը:
«Այս մրցանակն ինձ համար շատ կարևոր է, քանի որ ես ամեն օր աշխատում եմ լավագույն արդյունք ցույց տալու և թիմին օգնելու համար: Ակումբն ինձ օգնում է անհատական մրցանակներ նվաճել, և ես պետք է շնորհակալություն հայտնեմ նաև թիմակիցներիս։ Ցանկանում եմ շարունակել նույն ոգով` էլ ավելի շատ գավաթներ նվաճելու համար:
Ինձ համար մեծ պատիվ է լինել այս ցուցակում այսքան ֆուտբոլային լեգենդների հետ միասին: Ցանկանում եմ շարունակել քրտնաջան աշխատել, որպեսզի շարունակեմ հաղթել, և որ իմ անունը գրվի այս ակումբի պատմության մեջ: Ես գոհ եմ այն ամենից, ինչ անում եմ այս մրցաշրջանում, և հուսով եմ, որ մենք կարող ենք այսպես շարունակել և տիտղոսներ նվաճել «Ռեալի» համար»,- ասել է Վինիսիուսը շնորհանդեսի արարողության ժամանակ։
