«Բարսելոնան» կարող է ընդհատել ՊՍԺ-ի հարձակվող Կիլիան Մբապպեի տեղափոխությունը Մադրիդի «Ռեալ», հայտնում է Marca-ն։

Աղբյուրի համաձայն՝ կատալոնական թիմի ղեկավարությունը սկսել է քննարկել ֆուտբոլիստի հետ ազատ գործակալի կարգավիճակով պայմանագիր կնքելու հնարավորությունը, սակայն դրա համար թիմը պետք է վաճառի մի քանի առանցքային խաղացողների։

25-ամյա Մբապպեն ՊՍԺ-ում հանդես է գալիս 2017 թվականի օգոստոսից։ 2023/24 մրցաշրջանում հարձակվողը բոլոր մրցաշարերում անցկացրած 30 խաղում դարձել է 31 գոլի և 7 գոլային փոխանցման հեղինակ։ Նա փարիզեցիների հետ հինգ անգամ դարձել է Ֆրանսիայի չեմպիոն։