«Բարսելոնայի» հարձակվող Ռոբերտ Լևանդովսկին խոսել է այս մրցաշրջանում ակումբի ոչ այնքան հաջող ելույթների մասին, ինչպես նաև նշել է, որ ներկայիս թիմը չի կարող համեմատվել նախորդ տարվա հետ։
«Դժվար է բացատրել, թե ինչ է կատարվում, քանի որ, օրինակ, «Գրանադայի» հետ խաղում (3:3) մենք երեք գոլ բաց թողեցինք։ Ինչպես ասացի, մենք փոփոխությունների կատարյալ պահին ենք: Մենք կարող ենք ավելի լավ հանդես գալ, բայց ունենք երիտասարդ խաղացողներ, և մենք պետք է քայլ առ քայլ գնանք դրան:
Մենք չենք կարող մեզ համեմատել նախորդ մրցաշրջանի թիմի հետ, երբ առաջին կեսում ունեինք մեծ փորձ ու որակ ունեցող խաղացողներ, ինչպիսիք են Բուսկետսը, Ալբան և Պիկեն։ Բայց մենք այն փուլում ենք, որտեղ պետք է ավելի լավ աշխատել և խաղալ: Մենք չգիտենք, թե ինչ է տեղի ունեցել, բայց սա ֆուտբոլ է»,- Լևանդովսկու խոսքերն է մեջբերում Mundo Deportivo-ն։
Ֆուտբոլի Իսպանիայի առաջնության մրցաշարային աղյուսակում «Բարսելոնան» զբաղեցնում է երրորդ տեղը: Չավիի սաները 24 խաղում ունեն 51 միավոր։
