Թուրինի «Յուվենտուսի» պաշտպան Բրեմերը առաջիկա տրանսֆերային պատուհանի ժամանակ կարող է հեռանալ թուրինյան ակումբից, հայտնում է լրագրող Էկրեմ Կոնուրը X սոցիալական ցանցում (նախկինում՝ Twitter):
Աղբյուրի համաձայն՝ թիմի ղեկավարությունը պատրաստ է բաժանվել 26-ամյա խաղացողից առնվազն 75 միլիոն եվրոյի դիմաց։
Բրազիլացի ֆուտբոլիստին հավակնում են Մադրիդի «Ռեալը», «Արսենալը» և «Մանչեսթեր Յունայթեդը»:
Այս մրցաշրջանում պաշտպանը «Յուվենտուսի» կազմում անցկացրել է 26 հանդիպում բոլոր մրցաշարերում, որոնցում դարձել է երկու գոլի հեղինակ։ Ֆուտբոլիստի պայմանագիրն ակումբի հետ ուժի մեջ է մինչև 2028 թվականի հունիսի վերջը։
