Մադրիդի «Ատլետիկոյի» գլխավոր մարզիչ Դիեգո Սիմեոնեն մեկնաբանել է Յուրգեն Կլոպի՝ մրցաշրջանի ավարտին «Լիվերպուլից» հեռանալը։
«Դժվար է բացատրել, թե ինչ է զգում մեկ ուրիշը: Բայց ես նրան շատ լավ եմ հասկանում։ Կլոպը առաջին կարգի մարզիչ է և հիանալի աշխատանք է կատարել «Լիվերպուլում»՝ վերակառուցելով թիմն այս մրցաշրջանում։
Նրա վրա միշտ մեծ ճնշում կա։ Սա հեշտ գործ չէ, հոգնեցնող է, ճնշում է, գլխապտույտ է առաջացնում։ Հուսով եմ, որ նա հաջողության կհասնի այն ամենում, ինչ իր մտքում դրել է: Կլոպը հիանալի մարդ է և վերջին տարիներին ցույց է տվել, թե որքան լավ մարզիչ է»,- Սիմեոնեի խոսքը մեջբերում է Relevo-ն։
Հիշեցնենք, որ հունվարի 26-ին Յուրգեն Կլոպը հայտարարեց, որ այս մրցաշրջանի ավարտից հետո կլքի «Լիվերպուլը»։
