Լևերկուզենի «Բայերի» գլխավոր մարզիչ Խաբի Ալոնսոն մեկնաբանել է այն լուրերը, թե ինքը կարող է դառնալ Յուրգեն Կլոպի հետնորդը «Լիվերպուլի» ղեկին։ Կլոպն այսօր հայտարարեց, որ մրցաշրջանի ավարտից հետո կլքի մերսիսայդյան թիմը։
«Խոսակցությունները սովորական են, բայց ես կենտրոնացած եմ Լևերկուզենի «Բայերի» վրա: Ես գոհ եմ իմ թիմից:
Իհարկե, Կլոպի՝ «Լիվերպուլից» մոտալուտ հեռանալու լուրը մեծ անակնկալ էր: Նրա կատարած աշխատանքը ինձ մեծ հարգանք և հիացմունք է պատճառում»,- Խաբի Ալոնսոյի խոսքերն է մեջբերում Metro-ն։
