Մադրիդի «Ատլետիկոյի» գլխավոր մարզիչ Դիեգո Սիմեոնեն մեկնաբանել է «Ռեալի» հետ Իսպանիայի գավաթի խաղարկության 1/8 եզրափակչում թիմի հաղթանակը (4:2)։
«Խաղը բավականին լավ էր վերահսկվում։ Մենք դիմակայեցինք նրանց հարձակմանը, ինչը դժվար է, քանի որ նրանք շատ լավն են։ Մենք համբերություն ունեցանք սպասելու մեր պահին։ Գրիզմանը խփեց իր թերևս լավագույն գոլը. Երբ գալիս ես մարզադաշտ և տեսնում, թե ինչ են անում երկրպագուները, դա հուզիչ է: Սա ստիպում է մեզ ավելի շատ աշխատել՝ մեր երկրպագուներին ավելի շատ ուրախություն հաղորդելու համար»,- Սիմեոնեի խոսքերն է մեջբերում Marca-ն։
Նշենք, որ այս մրցաշրջանում Մադրիդի «Ռեալը» կրել է ընդամենը երկու պարտություն, երկու անգամ էլ «Ատլետիկոյի» հետ խաղում։ «Ատլետիկոն» ընդհատեց նաև Մադրիդի «Ռեալի» անպարտելի շարքը՝ 21 խաղ։
