Վանդա Նառան, ով ֆուտբոլային գործակալ է և «Գալաթասարայի» հարձակվող Մաուրո Իկարդիի կինը, պատմել է, որ արգենտինացի ֆուտբոլիստը միանգամից չորս հեռախոս է օգտագործել տարբեր կանանց հետ շփվելու համար։
«Նա չորս հեռախոս ուներ։ Նա կանանց բաժանեց` ըստ մայրցամաքների: Սա իսկական խելագարություն է։ Մի հեռախոսը «լավն էր», ակումբից զանգեցին, պատասխանեցի։ Մնացածը նախատեսված էր կանանց համար»,- Նառայի խոսքերն է մեջբերում Mundo Deportivo-ն։
Իկարդին «Գալաթասարայում» հանդես է գալիս 2022 թվականից։ Ավելի վաղ իր կարիերայի ընթացքում արգենտինացի հարձակվողը ներկայացնում էր այնպիսի թիմեր, ինչպիսիք են «Ինտերը», «Պարի Սեն Ժերմենը» և «Սամպդորիան»: Transfermarkt հեղինակավոր ինտերնետային պորտալը ֆուտբոլիստի շուկայական արժեքը գնահատում է 20 միլիոն եվրո:
