«Բարսելոնայի» վինգեր Ռաֆինյան ազդրի երկգլուխ մկանի վնասվածք է ստացել և բաց կթողնի Մադրիդի «Ռեալի» դեմ Իսպանիայի Սուպերգավաթի խաղը։ Այս մասին հայտնում է Mundo Deportivo-ն X սոցիալական ցանցում։

Այս մրցաշրջանում բրազիլացին «Բարսելոնայի» կազմում անցկացրել է 18 հանդիպում բոլոր մրցաշարերում, որոնցում դարձել է 3 գոլի և 7 գոլային փոխանցման հեղինակ: Ֆուտբոլիստի պայմանագիրը կատալոնական ակումբի հետ ուժի մեջ է մինչև 2027 թվականի հունիսի վերջը։