Եթե Մադրիդի «Ռեալը» չգնի Կիլիան Մբապպեին, ապա ամռանը կփորձի ձեռք բերել «Մանչեսթեր Սիթիի» հարձակվող Էրլինգ Հոլանդին, պնդում են իսպանական լրատվամիջոցները։
Ինչպես հայտնում է AS-ը, Հոլանդի պայմանագրում կա ազատման կետ, իսկ ոչ անգլիական ակումբների համար այդ գումարն ավելի մոտ է 100 միլիոն եվրոյին, քան 200 միլիոնին, ինչը ցանկալի է դարձնում նման տրանսֆերը շատ թոփ ակումբների համար:
23-ամյա Հոլանդը 2023/24 մրցաշրջանում «Մանչեսթեր Սիթիի» կազմում անցկացրել է 22 հանդիպում, որոնցում դարձել է 19 գոլի և 5 գոլային փոխանցման հեղինակ։
