«Չելսիի» գլխավոր մարզիչ Մաուրիսիո Պոչետինոն հերթական անգամ պատասխանել է Լիգայի գավաթի կարևորության մասին հարցին։
Արգենտինացին բազմիցս հայտարարել է, որ իր թիմի համար կարևոր է հաջողության հասնել մրցաշարում։ Երեքշաբթի «ազնվականները» կիսաեզրափակչի ուղեգրի համար կպայքարեն «Նյուքասլի» դեմ:
«Ես չգիտեմ, թե ինչու է որևէ մեկը այս մրցույթն անվանում «Միկի Մաուսի գավաթ»: Մենք հաստատ չենք կիսում այս մոտեցումը։ Ես ավելի քան մեկ տասնամյակ հետևում եմ, թե ինչպես են թիմերը տոնում, երբ նրանք հաղթում են լիգայի գավաթը: Սա մնում է մեր նպատակներից մեկը»,- Պոչետինոյի խոսքերն է մեջբերում Mail Sport-ը։
