«Բարսելոնայի» մամուլի ծառայությունը հայտարարություն է տարածել այն մասին, որ թիմի դարպասապահ Մարկ-Անդրե տեր Շտեգենը վիրահատվել է։
«Տեր Շտեգենը հաջողությամբ բուժում է անցել մեջքի ստորին հատվածի հետ կապված խնդիրների պատճառով: Ֆուտբոլիստի հասանելիությունը կախված կլինի վերականգնման տեմպերից»,- ասվում է հաղորդագրության մեջ:
Ցավի պատճառով դարպասապահը բաց է թողել «Բարսելոնայի» վերջին 3 հանդիպումները։ Չեմպիոնների լիգայի 2023/24 մրցաշրջանի 1/8-րդ եզրափակիչի վիճակահանությունը կկայանա դեկտեմբերի 18-ին Նիոնում։ Առաջին հանդիպումները նախատեսված են փետրվարին։
