«Ռոմայի» գլխավոր մարզիչ Ժոզե Մոուրինյոն դժգոհ է մնացել Եվրոպա Լիգայի խմբային փուլի «Սերվետի» դեմ խաղում (1-1) իր սաների վերաբերմունքից։ Նրանց քննադատելիս նա հիշեց իր վաղեմի մրցակցին՝ «Մանչեսթեր Սիթիի» գլխավոր մարզիչ Պեպ Գվարդիոլային։
«Առջևում մեզ փլեյ-օֆֆի հաջորդ հանդիպումներն են, դժվար կլինի Չեմպիոնների Լիգայից դուրս մնացող թիմի դեմ։ Սրանք ևս երկու եվրագավաթային հանդիպումներ են, որոնցից մեկը «Օլիմպիկո» մարզադաշտում՝ լեփ-լեցուն տրիբունաների առջև, որտեղ երկրպագուները ցույց են տալիս իրենց սերը։ Չեմ ցանկանում դրամա ստեղծել փլեյ-օֆֆ դուրս գալու մասին։
Եթե ինչ-որ տեղ դրամա է, ապա դա այս խաղացողների և երկրորդ խաղակեսում փոխարինման դուրս եկածների սխալ վերաբերմունքի մեջ է, ավելի քան մեկ անգամ: Անկեղծ ասած, ես սա չեմ հասկանում: Չեմպիոնների լիգայում որպես մարզիչ 150 խաղ եմ անցկացրել, որտեղ դա շատ ավելի բարդ է, և այնուամենայնիվ, թվում է, թե կան մարդիկ, ովքեր այնքան էլ լավ պատմություն չունեն եվրոպական առաջնություններում, ովքեր խաղում են այս խաղերում նվազագույն ջանքերով: Կան նրանք, ովքեր ամեն ինչ տալիս են 90 րոպեի ընթացքում, և նրանք, ովքեր կարծես թե քիթը թեքում են մրցույթին։
Կվճարե՞ն դրա համար։ Սրա համար ոչ ոք չի վճարի։ Ահա թե ինչ կարող է անել Գվարդիոլան՝ եթե ինչ-որ մեկից գոհ չէ, ուրեմն հրաժեշտ է տալիս նրան, դուրս է շպրտում ու ընտրում մեկ ուրիշին։ Ես չեմ կարող դա անել այստեղ: Ես կարող եմ միայն փորձել շարունակել նրանց մղել ամեն օր մարզումների ժամանակ, որպեսզի առավելագույնը ստանամ խաղացողների այս խմբից»,- Մոուրինյոյի խոսքերն է մեջբերում PortuGoal-ը:
