Մադրիդի «Ռեալի» գլխավոր մարզիչ Կառլո Անչելոտտին խոսել է ի պաշտպանություն «Բարսելոնայի» մարզիչ Չավիի՝ իսպանացի մասնագետի հնարավոր հեռացման մասին լուրերի ֆոնին։
«Քննադատե՞լ Չավիին. Բացարձակապես իմաստ չունի դա անել: Չավին, ինչպես ես, շատ լավ գիտի ֆուտբոլը, ինչպես նաև բախվում է քննադատությունների: Երբեմն դա տեղի է ունենում, բայց Չավին այս իրավիճակը կարգավորելու փորձ ունի։
Նա շատ լավ գիտի «Բարսելոնայի» համակարգը, և ես կարծում եմ, որ ունի բոլոր ռեսուրսները, որոնցով կարող է բարելավել իրերը»,- Անչելոտտիի խոսքերն է մեջբերում Madrid Universal-ը։
Հիշեցնենք, որ ավելի վաղ ԶԼՄ-ներում տեղեկություն էր հայտնվել, որ «Բարսելոնայի» ֆուտբոլիստները դադարել են վստահել Չավիին և չեն ընդունել նրա մարզչական գաղափարները։
