Մադրիդի «Ռեալի» իսպանացի դարպասապահ Կեպա Արիսաբալագան շարունակում է ապաքինվել վնասվածքից, հաղորդում է ակումբի պաշտոնական կայքը։
Մադրիդի «Ռեալի» հիմնական դարպասապահ Տիբո Կուրտուան նույնպես դեռ չի ապաքինվել ծնկի խաչաձև կապանների լուրջ վնասվածքից։
Սա նշանակում է, որ, ամենայն հավանականությամբ, նոյեմբերի 26-ին Լա Լիգայի 14-րդ տուրի «Կադիսի» դեմ արտագնա խաղում «սերուցքայինների» դարպասը կպաշտպանի ուկրաինացի Անդրեյ Լունինը։
Այս մրցաշրջանում 24-ամյա Անդրեյ Լունինը Մադրիդի «Ռեալի» կազմում անցկացրել է 4 հանդիպում, որոնցում բաց է թողել 2 գնդակ։
