Գերմանիայի հավաքականի գլխավոր մարզիչ Յուլիան Նագելսմանը մեկնաբանել է ընկերական խաղում Ավստրիայի հավաքականից կրած պարտությունը։

«Մեզ շատ աշխատանք է սպասվում։ Պետք է ընդունել ստեղծված իրավիճակը։ Պետք է գիտակցենք, որ բոլոր առումներով հսկայական աշխատանք ունենք անելու։ Սա պետք է հասկանան թե՛ մարզչական շտաբը, թե՛ խաղացողները։

Չեմ կարծում, որ դա շատ հանգստանալու խնդիր է: Ավելի շուտ թիմն իրեն ազատ չի զգում։ Մարզումների ժամանակ մենք կարծես մեկ միավոր լինենք, բայց խաղերի ժամանակ յուրաքանչյուր խաղացող մնում է ինքնուրույն»,- Նագելսմանի խոսքերը մեջբերել է Bayern & Germany-ը։

Նոյեմբերի 21-ին Ավստրիայի հավաքականն ընկերական խաղում 2։0 հաշվով հաղթել է Գերմանիային։