Վինգեր Ջեյդոն Սանչոն երկար ժամանակ չի խաղացել «Մանչեսթեր Յունայթեդում» Էրիկ տեն Հագի հետ կոնֆլիկտի պատճառով:
Ֆուտբոլիստն ակնհայտորեն կփոխի ակումբը ձմռանը, և նա ունի «Ալ-Հիլալ» տեղափոխվելու տարբերակ։
Այնուամենայնիվ, Սանչոն կասկածում է Սաուդյան Արաբիա տեղափոխվելու տարբերակին, այս մասին հայտնում է 90min-ը:
Ջեյդոն Սանչոն 23 տարեկան է, հեղինակավոր Transfermarkt պորտալի մասնագետները եզրային հարձակվողին գնահատում են 32 միլիոն եվրո։ Սեպտեմբերին Սանչոն սոցցանցերում գրել էր, որ իրեն քավության նոխազ են դարձնում, իսկ դրանից հետո ֆուտբոլիստին հեռացրել են թիմից։ Այս հրապարակմամբ Սանչոն պատասխանեց Տեն Հագի հրապարակային խոսքերին, որ ինքը վատ է մարզվում։
