Մոսկվայի «Լոկոմոտիվի» նախկին մարզիչ Սարգիս Հովհաննիսյանը կիսվել է Եվրո-2024-ի ընտրական փուլում Հայաստանի հավաքականի մնացած հանդիպումներից իր սպասելիքներով։ D խմբում Հայաստանի հավաքականը 6 խաղից հետո վաստակած 7 միավորով զբաղեցնում է 4-րդ տեղը։ Վերջին երկու խաղերում թիմը պարտվել է Խորվաթիային (0:1) և Լատվիային (0:2): Հայ ֆուտբոլիստները դեռ պետք է խաղան Ուելսի (նոյեմբերի 18) և Խորվաթիայի (նոյեմբերի 21) հավաքականների հետ:
«Ցավոք, Լատվիայից կրած պարտությունը բարդացրեց Եվրոյի ուղեգիր նվաճելու հնարավորությունները: Բայց դեռ հնարավորություն կա անցնելու, և տղաները պետք է օգտվեն դրանից։ Իհարկե, տանը դժվար կլինի Ուելսի, իսկ Խորվաթիայի հետ արտագնա խաղում: Կարծում եմ՝ ամեն ինչ կախված կլինի Ուելսի հետ խաղից։
Հայաստանի հավաքականը պետք է 100 տոկոսանոց ջանքեր գործադրի։ Եկեք վստահենք և սպասենք թիմի հաջող խաղերին:
Սա տնային հանդիպում է, որում թիմը ցանկանում է ապացուցել, որ Լատվիայից կրած պարտությունը պատահականություն էր։ Բրիտանական թիմերը պայքարում են, նույնիսկ եթե նրանք հնարավորություն չունեն առաջ գնալու, թիմը տալիս է ամեն ինչ և հենց այնպես չի հրաժարվի խաղից: Այնպես որ, դժվար խաղ է լինելու:
Մեզ դժվար խաղ է սպասվում, բայց մենք լավագույնի հույս ունենք։ Նաիր Թիկնիզյանի, Էդուարդ Սպերցյանի և Էդգար Սևիկյանի գալով թիմը վերափոխվեց։ Ուրախ եմ, որ տղաները համաձայնեցին խաղալ Հայաստանի հավաքականում։ Նաիրի հետ հանդիպումներ են եղել, երբ նա տեղափոխվել է «Լոկոմոտիվ», որտեղ մի քանի անգամ խոսել ենք Հայաստանի հավաքական տեղափոխվելու մասին», – ասել է Հովհաննիսյանը։
